Հայերեն Խաղեր Բոլորի Համար

Arm-Games.com-ը տարածք է, որտեղ յուրաքանչյուրը պետք է կարողանա գտնել իրեն հետաքրքիր հայալեզու խաղը։ Մեր նպատակն է հայերենով հետաքրքիր, զվարճալի ու օգտակար խաղեր ստեղծելը։ Հայերեն խաղերը հիանալի միջոց են լեզուն հիշելու, նոր բաներ սովորելու և պարզապես լավ ժամանակ անցկացնելու համար։

Այստեղ կգտնեք խաղեր բոլորի համար՝ և՛ երեխաների, և՛ մեծահասակների։ Ունենք խաղեր, որոնք կօգնեն ավելին իմանալ մեր պատմության ու լեզվի մասին։ Ի դեպ, շուտով կավելացնենք նաև արևմտահայերեն խաղեր, որոնց թիվն անընդհատ կմեծանա։

Ո՞վ ենք մենք։

Մենք Fluctu8-ն ենք՝ տեխնոլոգիաներով տարված ընկերներ։ Այս նախագծում մեզ միավորում է հայերենով որակյալ ու հետաքրքիր խաղեր ստեղծելու ցանկությունը։

Ինչո՞ւ ենք սա անում։

Պատասխանը պարզ է․ մենք ուզում էինք ստեղծել մի վայր, որտեղ ցանկացած տարիքի մարդ կարող է խաղալ, սովորել և զվարճանալ հայերենով։ Մենք անընդհատ աշխատում ենք խաղերի տեսականին մեծացնելու ուղղությամբ՝ ավելացնելով նոր թեմաներ ու ձևաչափեր։

• Տրամաբանական և փազլ խաղեր
• Մշակութային և արվեստի վերաբերյալ խաղեր
• Լեզվի ուսուցման խաղեր՝ ինչպես արևելահայերենով, այնպես էլ արևմտահայերենով
• Արկածային և պատմական խաղեր